برنامج بلدنا بالمصرى - حلقة الإثنين 2/7/2012 - ريم ماجد
برنامج بلدنا بالمصرى - حلقة الإثنين 2/7/2012 - ريم ماجد
وبناءا عليه السؤال اللي هنحاول نجاوب عليه: هل ديه هي الطريقة الامثل لاختيار رؤساء تحرير الصحف القومية بعد الثورة لضمان حريتها واستقلالها وضمان إدارتها على أسس مهنية، فنخطي لقدام ولا احنا بنلف وراجعين تاني لورا لنفس التركة القديمة؟!!! وما يعنينا احنا "واحنا هنا عايدة علينا كلنا كمواطنين" هو ان الصحافة في بلدنا عموما وبالذات الصحافة القومية اللي بنصرف عليها من جيوبنا تكون حرة مستقلة مهنية تحترم حقنا في المعرفة وتكون ملكنا احنا مش ملك يمين السلطة او سلاحها اللي ممكن يطول علينا في اي وقت يحلالها تضللنا او تخوفنا او تخوننا او تكفرنا... سؤال احنا بنخطي لقدام ولا راجعين للتركة القديمة هيساعدنا في الاجابة عليه
الكاتب الصحفي/ يحيى قلاش
مجدي المعصراوي عضو اللجنة الثقافية في مجلس الشورى
عادة وعلى رأي المثل: "الصلح خير" والطيب احسن" و"يا دار ما دخلك شر" بس السؤال اللي بيطرح نفسه _واحنا متفقين اننا في اشد الحاجة لمصالحة وطنية حقيقية_ هل ينفع نمشي على رأي الامثال ديه بعد ثورة شعبية قامت ضد سنين طويلة من القهر والظلم والفساد وانتهاك حقوق الانسان من اول الحق في الحياة لحد الحق في الكرامة الانسانية اللي قامت الثورة تنادي بيه باعلى صوتها؟! ينفع بعد كل دة نقول عفا الله عما سلف وننسى كل اللي فات ونفتح صفحة جديدة من غير ما نطوي الصفحات السودة القديمة ونضمن انها راحت بلا رجعة؟!!! ولا المصالحة الوطنية اللي احنا محتاجينها النهاردة حاجة تانية خالص؟!!! اجابات السؤال دة هنناقشها مع ضيوفنا النهاردة
ناصر أمين: مدير مركز استقلال القضاء والمحاماة
حسام بهجت: مدير المبادرة المصرية للحقوق الشخصية
نادر بكار: المتحدث الرسمي باسم حزب النور
ليست هناك تعليقات:
إرسال تعليق